تاروت
صاحبي قالي قبل ما نخرج نروح نزور جدته.. اللي بحبها جداً ..أول ما رحنالها أمرته يعملنا قهوه…. و هو ميقدرش يردلها أمر.. قاعد اتكلم معاها كالعادة .. قالتلي تعالي يا ولد أشوفلك التاروت..عمرها ما طلبت مني تقراهالي مع إنها هوايه قديمة أعتقد بسبب أصولها الأرمينية.. طلبت مني أفنط الورق.. اتعاملت معاه زي الكوتشينه بالظبط مع إن ورقها أكتر بالنص تقريباً.. لكن لفت نظري إنه قديم قوي و معظم الصور ليها علاقه بشكل أو بأخر بالأساطير اليونانيه!! و ماله أدينا بنهرج..
قالتلي أوزع كل ورقه فين.. طلعت التوزيعه علي شكل صليب سلتي …
ما علينا … الغريب إنها رفضت تفسر الورق .. و كل ما أصر إنها تفسره تهرب و تغير الموضوع…
الموضوع شغلني بس مش لاقي ليه تفسير.. سألت صاحبي عن الأشكال لما جاب القهوة .. قالي إنه يعرف أسامي الورق بالعافيه و مبيفهمش فيها..
كل اللي عرفته .. إن الأربع ورقات اللي محطوطين أفققين تحت الصليب هما بالترتيب من تحت لفوق ( الموت و عجلة الحظ و ملك النجوم الخماسية و ملك العصي السحريه) !!!
و الورقه اللي في وسط الصليب هي ( الحُكم ) .. الورقه اللي ناحية الأربع ورقات ورقة ( البرج ) شكلها مش عاطفي بالمره.. الورقه اللي تحت ورقة الحُكم ورقة (خمسة من السيوف ) و تحتها ( خمسه من النجوم الخماسية ) .. ميضرش أنا بحب رقم خمسه علي كل حال.. علي يمينها من ناحيتي ( العجلة الحربية ) و شمالها من ناحيتي ( ستة من السيوف ) أخر ورقة ( الاعتدال Temperance )
مرضيتش تقولي ليه مش عارف.. ما علينا…..
People only abstain from explaining bad readings. Leaves little room for the imagination, doesn’t it?
Comment by Blacklander — April 17, 2007 @ 5:55 pm